Klukkan er 04:49 að staðartíma og undirrituð var að koma heim eftir vinnu í annars ágætu samkvæmi.

Þegar ég hugðist loksins leggjast á koddann og hvíla lúin bein heyri ég undurfagra tóna læðast inn um gluggann minn.  Í fyrstu hugsa ég að þetta sé þreytan að segja til sín, og loka augunum og reyni að sofna.

En tónarnir ágerðust og við þá bættist söngur, eða kirj((kyrj..kyrjun..kirjun...sögnin að kyrja..), og það hætti ekki....

Ég reis upp með erfiðleikum og opnaði gluggann og lagði við hlustir... Orðin átti ég erfitt með að skilja en þetta líktist einna helst dapurlegum ástaróði úr lélegri Bollywood mynd.

 .........
...

...kannski að nýji nágranninn minn sé einhversskonar trúarleiðtogi sem vaknar klukkan fimm og kyrjar bænir sínar með mávana í bakröddum.. 

 www.hrebbna.blog.is
-að næturlagi-

Í lókalbúllunni hér í bæ vinnur ansi almennileg stúlka af erlendu bergi brotin.  Veit því miður ekki hverrar þjóðar hún er en hún talar litla sem enga ensku.

Aldrei hefur skapast vandamál þegar ég versla við stúlkuna þessa daglegu hluti eins og súpupakka, kaffipoka eða djúsfernu og hef ég vanalega leyst það með látbragði svo stúlkan skilji hvað ég sé að biðja um.

 Í síðustu viku kom babb í bátinn og aumingjans stúlkan skyldi ekki látbragð mitt.

 .......

 .........hvernig í ósköpunum á maður að leika dömubindi á smekklegann hátt?

 www.hrebbna.blog.is
-bloggar..stundum-

Undirrituð var stödd í leikhúsi síðastliðinn sunnudag, nánar tiltekið Borgarleikhúsinu.  Ég var stödd á sýningunni Hér og Nú sem Sokkabandið stendur fyrir á Litla Sviðinu. Sýningin var mjög áhugaverð og skemmtileg en ekki verður farið nánar út í þá sálma.

Það er ekki oft sem hugur minn reikar í leikhúsi enda sit ég vanalega á sætisbrúninni og reyni að soga allann leikhúsandann sem ég kemst yfir á einni kvöldstund.  Hins vegar gerðist það þó að ég missti athyglina eitt augnablik og varð starað á konu eina nokkuð langt frá mér. 

Konan horfði áhugalaus á frumlega sýninguna og virtist hafa verið pínd þangað af Austur-þýskum pyntingarsérfræðingum.  Hún fór að hreyfa sig frekar undarlega, sveigja sig og teygja þangað til hún var loksins komin í ásættanlega stellingu.

,,Mikið hlýtur angans konunni að leiðast" hugsaði ég með sjálfri mér og hugðist sogast aftur inn í töfraheim leikhússins en tók þá eftir einu; Konan var að koma sér vel fyrir..til að leggja sig.

Ég potaði í mitt fríða föruneyti sem var óvenju frítt að þessu sinni og öll gátum við sæst á það að konan væri sofnuð og þar svaf hún þangað til lófatak undir lok sýningarinnar vakti hana.

Þetta hlýtur að vera versti dómur sem leikari getur nokkurn tíman fengið, að fólki leiðist svo mikið að það vill frekar sofna innan um múg og margmenni heldur en að þurfa að horfa á sýninguna stundinni lengur.

Annars vona ég að blundurinn hennar hafi verið góður, þvíhún missti af fjári skemmtilegu leikriti!

www.hrebbna.blog.is
-og svefnpurrkurnar-

Staður: Álftanes
Tími: Fyrir hádegi, leiklistarkennsla í þriðja bekk
Ár: 2007

Stúlka; Hrefna, ert þú að reyna að vera pæja?
Ég: Pæja..uu..nee..finnst þér ég vera pæja?
Stúlka: Nei!
Ég: Nújæja..þá er það komið á hreint..af hverju er ég ekki pæja?
Stúlka: Af því gamlar kellingar geta ekki verið pæjur! Ái..þetta var sárt fyrir mitt 21. árs gamla hjarta

Þær labba í burtu og eftir stend ég..frekar svekkt yfir því að ég skuli ekki vera pæja, heldur gömul kelling.  Held áfram að ganga frá stólum og borðum eftir leiklistartímann þegar pikkað er í bakið á mér...

Stúlka 2. Hrefna...
Ég: Já..?
Stúlka 2: Mér finnst þú vera algjör pæja!

Svona geta börnin verið blíð gott fólk ;)

Undirrituð gekk sposk inn í verslun eina á höfuðborgarsvæðinu og hugðist láta gamlan draum rætast.   Ég gekk rakleiðis að vörunni sem ég hafði augastað á..krúttlegum kassagítar.

Posi, borgað,kvittað eins og í laginu Signed, sealed, delivered hljómaði i huga mér þegar ég labbaði út, stoltur gítareigandi.

 Ég sá fyrir mér allar útilegurnar næstu árin.  Fólk grátbiðjandi mig, gítarsnillingin að taka lagið..og ekki spillir fagra söngröddin fyrir glamrandi gítarleiknum.

Draumurinn varð skyndilega að engu...

...E strengurinn slitnaði meðan ég var að stilla gítarinn..

Ætli ég haldi mig bara ekki við einfaldari hljóðfæri..eins og hristur...

www.hrebbna.blog.is
-...gítarhetja-