Af þrengslum

Þeir sem til þekkja vita eflaust að ég og systir mín deilum saman hinum íðilfagra bíl Hr. Volswagen Margeir Polo og höfum gert það í nokkur ár.

Sameign þessi hefur iðulega gengið prýðisvel, þrátt fyrir einstaka rifrildi, hártoganir, tannmissi og glóðurauga. 

Eins og þeir sem til þekkja vita eflaust að hæðarmunurinn á okkur systrum er töluverður, sem getur verið frekar hentugt og einnig frekar óhentugt.

Í morgun þegar ég hugðist fara minna ferða á bíl okkar opnaði ég bílstjórahurðina og tróð mér inn ,eins og vanalega, til þess auðvitað að stilla sætið fyrir risann, mig... En eitthvað virtist stillingin standa á sér..

Ég sveigði mig og beygði og sprakaði og ýtti en ekkert virtist ganga.  Þeir sem hafa gegnið framhjá planinu á Álftanesinu hafa eflaust haldið að þarna væri górilla í mökunarhugleiðingum..en eftir hetjulega baráttu við sætið játaði ég mig sigraða.

Því keyrði ég mína leið með nefið í rúðunni. stýrði bílnum með brjóstunum og skipti um gír með rassinum...eins og Gúlíver í Puttalandi gerði forðum daga.

Þeir sem hlógu á Kringlumýrarbrautinni...takk fyrir...

www.hrebbna.blog.is
-Gúliver í puttalandi-

Athugasemdir

[bryndís 22.4.2007 kl. 16:23]

bleikir sveppir og hrebbna

[Sara Petra 24.4.2007 kl. 19:15]

Það er ekkert smá skráning til að kommenta hjá þér! bjóst nú aldrei við að þú myndir skipta um blogg svæði en til hamingju með nýja svæðið og haltu áfram að blogga skvísa;)

[Emma ;) 24.4.2007 kl. 20:30]

bwahahahahahahahhahahahahahahahahaha æjæjæj shitt kvað ég hló af essu elskan min! ég sá þetta so innilega fyrir mér ;) hahahahaha æjæjæj hefði verið til í að vera með í bílnum ;) hahaha

æjæjjæ