Af klaufaskap

Ég gerði mér ferð í IKEA í gær sem væri varla frásögufærandi nema...

IKEA er frábært fyrirtæki.  Selur vörur ósamsettar en undirstrikar þó að það eigi að vera það auðvelt að setja saman hlutina að hundurinn þinn geti gert það meðan hann horfi á Kastljósið.

Þar sem ég er ekki handlagnasta manneskja í heiminum er þetta gott og blessað fyrir mig..

Ég keypti mér forláta borð, lítið og rautt. sem aðeins átti eftir að festa fæturnar á. 
Frábært, hugsaði ég..þetta ætti ég að geta gert alveg sjálf. 
Ég tók upp kassann úr vörulagershillunni en það heppnaðist ekki betur en svo að þegar ég ætlaði að sveifla honum niður rak ég hann í konu sem var þarna á vappi.

Eftir langa og mikla samviskubitsgöngu að kassanum, borgaði ég borðið mitt og labbaði út. 
Þess ber að geta að ég komst stórslysalaust með borðið heim...

Ég reif upp pakkninguna og ætlaði svo sannarlega að "dúndra"(segja ekki allir handlagsmenn dúndra?) borðinu saman. 
Ég tók upp lappirnar og ætlaði að skrúfa þær fastar við borðið en rak eina löppina samviskusamlega í augað mitt.  Þegar ég stóð upp í geðshræringu minni, og sá allt í móðu, rak ég höfuðið í og hlaut þessa líka prýðilegu kúlu á ennið.

Eftir að hafa bölvað þessu blessaða borði í sand og ösku fór ég í sturtu til að róa mig niður..en það vildi ekki betur til en svo að ég hafði gleymt að borðið stæði þarna á gólfinu og rak stóru tánna í svo það heyrðist alla leið til Súðavíkur..ef ekki lengra.

Eftir þetta hef ég komist að einu...

....það er ALDREI auðvelt að setja saman hluti úr IKEA!

www.hrebbna.blog.is
-klaufabárður-

Athugasemdir

[Torfi Geir Símonarson 4.5.2007 kl. 00:49]

Þú veist að þeir bjóðast til að setja saman fyrir þig frítt.. :D  

[sigrún björg 4.5.2007 kl. 19:21]

bara þú, hrebbna mín ;) vona að það gangi betur næst og ef ekki þá mannstu að ég er bara í næsta húsi og svona líka helvíti handlagin :P

[kristín 5.5.2007 kl. 19:03]

hehe uss klaufabárður !! en svona er þetta víst ... mér hefur hingað til gengið ágætlega að setja saman ikea dótarí en hver veit hvað gerist næst..... þú ættir að ræða við elísu h..hun var frekar óheppin á tímum í afríku !!

[Emma:) 7.5.2007 kl. 09:18]

bwahahahaha æjæjæj Hrebbna stundum held ég að við séðum systur!! ég þekki sonna tilfinningar sooo vel ;) hehe