Af steypiböðum

Það stefndi í annars ósköp venjulega sturtuferð um hádegisbil í dag en eftir að hafa fylgt hinum ýtrustu leiðbeiningum á sjampó brúsanum (lather, rinse, repeat as needed) fór ég að heyra undarlegt suð innan í sturtunni.

Ég skrúfaði fyrir sturtuna og hélt að þar með myndi suðinu ljúka..en svo var ekki.

Ég skrúfaði frá sturtunni og hélt áfram þeim athöfnum sem flestir framkvæma í sturtunni, þó ekki afbrigðilegum í þetta sinn...þar til ég sá svart, risastórt flikki fljúga fram og til baka í klefanum..sem er ekki ýkja stór.

Flikki þetta var líka svona myndarleg býfluga sem flaug nú upp og niður, hægri vinstri, út og suður í sturtunni..á meðan ég dansaði Suður-Grænlenskan stríðsdans af hræðslu..

Af hverju mér datt ekki í hug að opna klefann og flýja, veit ég ekki, en þarna stóð ég og baðaði út öllum örmum og æpti og veinaði af hræðslu, ásamt því að slá Íslandsmet í Suður-Grænlenska stríðsdansinum.

Loks reif ég upp klefahurðina og skautaði allsvakalega í bleytunni á gólfinu..en býflugan hélt áfram að baða sig í sturtunni minni....

...og baðar sig enn.

www.hrebbna.blog.is
-með illa þvegið hár og strengi-

Athugasemdir

[kristín 6.5.2007 kl. 19:34]

uss flugudóni !!

[Bryndís Birgisdóttir 13.5.2007 kl. 18:28]

heyrðu, já ég sá þennan dans í gær í herberginu hennar ernu
þú átt þennan dans